Եվգենի Զամյատինի «Մենք»-ը (1920) դասական հակաուտոպիա է, որն անվիճելի ազդեցություն է գործել մասնավորապես ժանրի այնպիսի հռչակավոր նմուշների վրա, որպիսիք են Օլդոս Հաքսլիի «Չքնաղ նոր աշխարհը» և Ջորջ Օրուելի «1984»-ը: Ժամանակին «Մենք»-ն ընկալվեց որպես սոցիալիստական կարգերի ու կոմունիզմի երգիծական ծաղրապատկեր, և խորհրդային գրաքննությունն արգելեց վեպի հրատարակումը: «Մենք»-ի ռուսերեն տեքստն առաջին անգամ ամբողջովին տպագրվեց 1952 –ին Նյու Յորքում, իսկ Ռուսաստանում՝ միայն 1988 –ին: